--Ads--
Naduktalan ti Independent Commission for Infrastructure (ICI) ti P96.5 million a ghost project iti Jose Abad Santos, Davao Occidental a proyekto iti St. Timothy Construction Corp., a maysa a kompania a kukua dagiti kontrobersyal a contractor iti gobierno a da Pacifico “Curlee” ken Cezarah Rowena “Sarah” Discaya.
Ti proyekto a nakalista a Construction of Concrete Revetment, naideklarar a nabayadan ken nalpasen idi 2022.
Ngem segun kadagiti residente ken opisyal iti barangay, dua agingga tallo a lawas pay laeng a nangrugi iti konstruksyon.
Insigida nga imbilin da ICI Special Adviser ken Baguio City Mayor Benjamin Magalong ken Public Works Secretary Vince Dizon iti panag-inspeksyon iti site ket naideklarar iti lugar a maysa a crime scene.
-- ADVERTISEMENT --
