P950 million ti abak iti casino dagiti naawagan a BGC Boys iti Department of Public Works and Highways (DPWH) iti uneg ti mano a tawen kas pinasingkedan ni Senate President Pro-Tempore Panfilo Lacson.
Impaganetget ni Lacson a nagpammarang a contractor iti ipapan ti casino da Bulacan 1st District Engineer Henry Alcantara, Assistant Engineers Brice Hernandez, Jaypee Mendoza, Arjay Domasig, ken Edrick San Diego.
Innayon ni Lacson a napan ni Hernandez iti casino idi Setyembre 1, aldaw a nangrugi iti imbestigasion ti Senado iti flood control anomalies kabayatan a napan met dagiti tallo pay a BGC Boys.
Napalutpot ni Lacson ti ginasut a dokumento a mangipakita iti anomalya ti kuwestionable a bidding, imposible a timelines of project implementation, manipulated progress reports, ken falsified public documents. – Reynand Fontejon
