VIGAN CITY – P92,090 a gatad ti kuarta iti mapapati a natakaw iti GRACIA Telecom, Brgy. Poblacion, Sugpon, Ilocos Sur.
Iti pannaki-uman ti Bombo Radyo Vigan ken ni PCapt. Rovic Nelmida manipod Sugpon Municipal Police Station, impakaammo ni Wilmar Redoble Sabado, agtawen ti duapulo ket pito, maintenance operator ken kolektor iti GRACIA Telecom nga agnaed idiay Barangay San Clemente, Magsingal inaig iti napasamak a mapapati a panagtakawan iti nasao a lugar kangrunaan iti uneg iti municipal building nga ayan iti machine.
Naamoan dagiti pannakabagi ti linteg a ti pagtulbekan iti nasao a machine ket napwersa a nalukatan ken nadadael nga isu iti ayan ti P92,090 a gatad iti kuarta.
Mapapati a napukaw ti kuarta iti nagbaetan ti Hulyo Kinse agingga Disi Syete iti agdama a tawen kas maibasar iti listaanda iti nasao nga opisina.
Iti agdama, agtultuloy iti panangkitada kadagiti CCTV footage a posible a makatulong para iti imbestigasyon.
VOICE OF PCAPT. ROVIC NELMIDA
