Mangiruar ti Department of Education iti P7,000 a medical allowance para kadagiti kwalipikado a mangisursuro ken non-teaching staff kas paset iti pammilin ni Presidente Ferdinand Marcos Jr iti nayon a suporta iti salun-at.
Segun ken ni DepEd Secretary Sonny Angara, kayatda nga agtalinaed a nasalun-at dagiti mangisursuro ken staff a saandan a pakadagan dagiti bayadanda a medical bills.
Ti addang ket isu ti wagas a pammigbig kadagiti mangisursuro ken staff, ken subadan dagiti sakripisyoda.
Mabalin nga alaen ti allowance babaen iti group wenno individual HMO packages, wenno direct cash kadagiti lugar a kurang iti access iti HMO access.
Kwalipikado dagiti empleado a nakapagserbin iti innem a bulan ita a tawen.
Saan met a karaman dagiti consultant ken job order worker.
