--Ads--
Umawat iti sag-pito ribo a pisos ti maysa milion a mannalon inton sumaruno a tawen, segun ken ni House Speaker Faustino Dy III.
Iti joint hearing ti House Committees on Agriculture and Food ken Ways and Means, kinuna ni Dy a ti ayuda ket pangtulong kadagiti mannalon a naapektaran iti nalaka a presio ti irik.
Segun ken ni Dy, ti cash assistance ket mayataday iti Executive Order 93 a mangsuspenso iti importasyon iti bagas tapno masalwadan dagiti mannalon kontra iti oversupply a rason ti panaglaka ti presio.
Ipangruna ti kamara ti panangipasa iti gakat tapno mayad-adu ti produksion ti irik iti pagilian.
-- ADVERTISEMENT --
