Inaprubaran ni President Ferdinand Marcos Jr. ti pannakairuar ti P700 million a pondo para iti pannakaipatakder ti Child Development Centers kadagiti Low-Income Municipality.
Dayta ket kasaruno ti kiddaw ti Early Childhood Development proponents ken ni President Marcos a mangilatang iti pondo iti uneg iti agsasauno a tallo a tawen tapno maikkan ti access dagiti marigrigat a barangay iti Early Childhood Education.
Iti sectoral meeting iti Malakanyang kadua ti Second Congressional Commission on Education ken dadduma pay nga ahensya, insingasing ti presidente a pagbalinen a Child Development Centers dagiti day care center ta agpada laeng iti panagsanay dagiti mangisursuro ken adda payen dagiti ubbing.
Nabilin pay dagiti concerned agencies a paaddoen dagiti graduates iti kurso nga adda pakainaigan iti Early Childhood Education kangrunaan kadagiti rehiyon nga adda pagkuranganna iti early childhood teachers.
Segun ken ni Education Secretary Sonny Angara, dakkel iti maitulong ti Early Childhood Development initiatives iti panangpasayaat ti kalidad ti edukasyon iti pagilian.
Makissayan pay ti drop-out rate ken ngumato iti completion rate iti literacy dagiti ubbing nga agad-adal.
