--Ads--
Maysa nga agtawen-iti-duapulo ket tallo a construction worker ti nakemmeg kalpasan ti panangtakawna iti P7,000 manipud iti maysa a bookkeeping services office idiay Zone 4, Barangay Paypayad, Candon City.
Naduktalan ti akinkukua iti establisimiento a mapukpukaw ti kuarta nga impanna iti drawer ti lamisaanna isu a kinitana ti CCTV footage ti opisinada.
Iti footage, nakita ti suspek a mangal-ala iti kuarta iti ala una iti parbangon, Agosto 12, 2026.
Dagus a nangiwayat iti hot pursuit operation dagiti kameng ti Candon City Police Station a nagresulta iti pannakakemmeg ti suspek iti pagtaenganna.
-- ADVERTISEMENT --
Naipan ti suspek iti Ilocos Sur Medical Center para iti medical examination kagiddan ti agtultuloy a panagimbestigar dagiti pannakabagi ti linteg.
