Umabot iti P7.56-M ti gatad dagiti marijuana a dinadael dagiti pannakabagi ti linteg idiay Barangay Licungan, Sugpon, Ilocos Sur.
Naparut ken nauram ti 37,800 a piraso ti fully grown marijuana plants manipud kadagiti pito a plantasyon a ti kalawana ket 6,100 square meters.
Iti umuna a site a ti kalawana ket 1,000 square meters ket naparut ti 6,000 a fully grown marijuana nga aggatad iti P1.2 million.
Iti maikadua a site a ti kalawana ket 500 square meters ket naparut ti 3,000 a fully grown marijuana nga aggatad iti P600,000.
Iti maikatlo a site a ti kalawana ket 300 square meters ket naparut ti 1,800 fully grown marijuana nga aggatad iti P360,000.
Iti maikapat a site a ti kalawana ket 500 square meters ket umabot met iti P600,000 ti naparut a fully grown marijuana.
4,000 met a fully grown marijuana plants nga aggatad iti P800,000 ti naparut manipud iti plantasyon a 800 square meters ti kalawana.
Manipud met iti plantasyon a 1,000 square meters ti kalawana ket umabot iti P1.6 million ti gatad ti 8,000 a fully grown marijuana plants.
Kabayatanna, iti maudi a plantasyon a ti kalawana ket 2,000 square meters ket naiparit met ti 12,000 a fully grown marijuana plants nga aggatad iti P2.4 million.
Awan ti cultivator wenno agmulmula a nadanonan dagiti pannakabagi ti linteg idi maiwayat ti operasion.
