Suksukisoken ti Senate Committee on Finance ti P7.23 bilyon budget nga inrekomendar ti Department of Budget and Management (DBM) para iti Office of the Ombudsman para iti 2027.
Nababbaba daytoy iti P5.5 bilyon kumpara iti orihinal nga insingasing ti Ombudsman a P12.79 bilyon.
Nakaipalaon iti P7.23 bilyon ti P3.76 bilyon para iti personal services, P2.44 bilyon para iti maintenance and other operating expenses, ken P857 milyon para iti capital outlay.
Madanagan met dagiti sumagmamano a senador iti absorptive capacity wenno kabaelan ti Ombudsman nga aramaten a nasayaat ti nailatang a pondo.
Naisingasing met a dagiti saan a naaramat a pondo para iti personal services ket mabalin a maiyakar tapno suportaran ti panangpatibker ti gakat nga Ombudsman Marshal Service.
