Agkasapulan ti Philippine government iti stand-by funds a P600 million para ti posible a repatriation ken pannakaipaay ti tulong kadagiti overseas Filipino worker idiay Middle East nu kas bilang kumaru pay ti sitwasyon.
Dayta iti kinuna ni economist-solon Albay 2nd district Rep. Joey Salceda iti apelana iti Department of Migrant Workers (DMW) ken ti Department of Foreign Affairs (DFA).
Segun ken ni Salceda, rumbeng nga i-validate ti Department of Migrant Workers ken ti DFA ti overseas contingency plans ken mangisingasing ti stand-by funds iti lebel a P600 million.
Ti nagbasaran ni Salceda iti nasao a gatad ket kapada iti nakiddaw iti gobierno idi adda met laeng iti riribok iti rehiyon iti napalabas a lima a tawen.
Maipalagip nga idi January 2020, insagana ti Department of Labor and Employment (DOLE) ti P600 milion para iti repatriation ken welfare services gapu iti kimmaru a tensyon iti rehiyon.
