Ilukat ti Department of Agriculture ti P60 milyon nga agricultural trading idiay Rosales, Pangasinan.
Ti trading center ket napondoan babaen ti Enhanced KADIWA Inclusive Food Supply Chain Program tapno maaddaan training facility a nadisenyo tapno makita dagiti mannalon ti barbaro a teknolohiya ken maisuro daytoy a balligi kadagiti agricultural entrepreneurs.
Segun ken ni Agricultural Secretary Francisco Tiu Laurel Jr. nga agserbi ti trading hub a prototype kadagiti sumarsaruno nga ipatakderda ti naduma-duma a lugar idiay Pangasinan a makatulong kadagiti aglako ken mannalon.
Planplanuen pay ti DA ti mangipatakder ti solar-powered cold storage facility ti abay ti Rosales Trading Hub ta gagemda ti maad-adan ti presko nga apit nangruna kadagiti high-value crops.
-Nesami Ryce Dela Cruz
