Rinatipikaranen ti House of Representatives ken Senado ti bicameral conference committee para iti P6.7 trillion national budget iti tawen 2026 ita nga aldaw.
Segun ken ni Senior Deputy Majority Leader ken Iloilo Rep. Lorenz Defensor, naawat ti Kamara ti bicam report iti disagreeing votes iti 2026 General Appropriations Bill.
Inaprubaran ni House Deputy Speaker Kristine Singson-Meehan a presiding officer ti session, iti pannakaratipikar ti bicam report kalpasan ti viva voce voting.
Insigida a na-adjourn ti session iti Kamara kasaruno ti ratipikasyon.
Impaganetget ni Speaker Faustino Dy III iti kinapateg ti pannakapasa ti national budget a mapapati a maysa a kapatgan a mandato ti Konstitusyon.
Nakaituding a pirmaan dayta ni President Ferdinand Marcos Jr. iti umuna a lawas iti January 2026.
