Inaprubaranen ti Bicameral Conference Committee ti P6.792 trillion national budget para inton 2026.
Pinirmaan dagiti mangibagi iti Senado ken Kamara ti bicameral report kalpasan ti deliberasyon iti PICC, Pasay City.
Segun ken ni House Appropriations Chair Mikaela Suansing, nakatutok ti budget ti human capital development ken transparency.
Pinasingkedan met ni Senate Finance Chair Sherwin Gatchalian a dakkel ti alokasyon para ti edukasyon, salun-at ken agrikultura.
Umuna a gundaway a naisayangkat a silulukat ti publiko iti bicam deliberations babaen ti livestream.
Gagem dayta a maliklikan dagiti anomalia ken nayonan ti talek dagiti umili ti proseso ti budget.
Ratipikaran ti Senado ken Kamara ti bicameral report inton December 29.
Manamnama a pirmaan ni Pres. Ferdinand Marcos Jr. ti General Appropriations Act iti umuna a paset iti January 2026.
