Nakapasan iti Senado iti maikadua a pannakaibasa ti gakat a P6.793 trillion national budget para inton 2026.
Dayta ket kalpasan iti napaut nga interpellation ni Senate Minority Leader Alan Peter Cayetano ket naipasa ti maikadua a pannakaibasa ti General Appropriations Bill (GAB) sakbay nga agalas sais iti rabii idi kalman.
Target ti Senado a maipasa ti budget iti maikatlo ken maudi a pannakaibasa inton December 9.
Kalpasan dayta ket maisayangkat ti bicameral deliberations inton sumaruno a lawas.
Maipalagip a naaddaan iti panag-amyendar iti sumagmamano a paset ti national budget kas ti pannakakissay ti Foreign Assisted Projects, pannakanayon ti National Disaster Risk Reduction and Management Fund ken pannakaisubli ti 4Ps Program iti National Expenditure Program (NEP) level iti gatad nga P11.17 billion.
