Saan laeng a ti transport sector ti nasken a maipaayan iti P5,000 nga ayuda ti gobierno no di ket adda lima a milion a minimum wage earner iti intero a pagilian gapu ta uray ida ket naapektaran iti krisis iti ekonomia kasaruno ti ingangato ti presio ti langis iti world market, segun iti Trade Union Congress of the Philippines wenno TUCP.
Dayta ti impaganetget ti TUCP nga ibagi ni Deputy Speaker Raymond Democrito Mendoza iti Kamara ket kayatda a binulan ti wage subsidy nangruna ta saan pay a napagpatangan ti P200 legislative wage hike bill iti Kongreso.
Nakurang 3 a dekada ti binaybay-an ti gobierno nangruna ti Department of Labor and Employmet dagiti mangmangged ken nayaw-awan pay iti UPLIFT Committee ti Malakanyang.
Ti P5,000 wage subsidy ket katukad iti 2 a bulan iti P100 daily wage increase nga impasa ti Senado idi 19th Congress ngem saan a naidatag iti bicameral conference committee isu a naawanan iti serbi.
