Naidiaya ti P50,000 a gungguna para ti makaitudo ken makaited iti impormasyon iti nangpapatay ken ni Senior Fire Officer 1 Anthony Manuel a napaltogan idi December 29, 2024 idiay Barangay Pantay Daya, Vigan City, Ilocos Sur.
Iti pannaki-uman ti Bombo Radyo Vigan ken ni PLt. Col. Reynaldo Mendoza Jr. manipod Vigan City Police Station, ti nasao a reward ket inlatang ti pamilia ti biktima para iti pannakagun-odda iti hustisya.
Segun ken ni Mendoza, agtultuloy latta iti araramidenda nga imbestigasyon tapno mapatibker dagiti ebidensya nga iggemda para iti pannakabigbig dagiti suspek.
Manarimaan iti panagkolektada kadagiti CCTV footage iti asideg iti nakapasamakan iti krimen a mabalin a makatulong para iti imbestigasyon.
Maipalagip nga idi December 29 iti alas dies iti rabii ket napaltogan iti namin ano a daras ti biktima a mapan koma ag-duty bayat iti panagmotosiklona a gappuanan ti pannakatayna.
VIDEO – PLT. COL. REYNALDO MENDOZA JR.
