Plano ti Land Transportation Franchising and Regulatory Board nga ipaay ti fuel subsidy kadagiti drayber ti pampubliko a lugan online tapno mapalag-anan ida iti ngumin-ngina a presio ti langis iti world market.
Segun ken ni LTFRB Chair Vigor Mendoza II, kada kwalipikado a benepisyaryo ket makaawat iti P5,000.
Tapno maisayangkat daytoy, inimbitaran ti LTFRB dagiti Electronic Money Issuers kas payment channel provider para iti natalged, napardas, ken transparent a distribution.
Inikkan ti LTFRB dagiti EMIs iti gundaway a mangipasa iti letter of intent-da ken dadduma pay a dokumento tapno paneknekan ti kabaelanda iti panangiproseso iti transaksion.
Maibasar iti naglabas a fuel subsidy program, napaneknekan a naep-epektibo ken naparpardas ti digital distribution a saanen a kasapulan a pumila kadagiti distribution venues.
