Inawagan nga ‘out of this world’ ti Trade Union Congress of the Philippines ti panangipapilit ti Department of Trade and Industry a makanay ti P500 para iti Noche Buena.
Segun ken ni House Deputy Speaker ken TUCP Rep. Raymond Democrito Mendoza, narigat a kumbinsiren dagiti Pilipino a kissayan ti badyetda para iti Noche Buena iti baet dagiti protesta kontra korapsion ken dagiti ghost ken substandard a flood control project bayat a saan pay naipasa ti gakat kas ti P200 a nayon nga inaldaw a sueldo.
Innayonna a nasken nga isardengen da DTI Sec. Maria Cristina Aldeguer-Roque ken Press Officer Claire Castro ti panangiyadal kadagiti gagangay a Pilipino a pagkatnayen ti badyetda.
Idurduron ni Mendoza ti pannakaipasa ti gakat iti kongreso a mangingato iti P200 a minimum nga inaldaw a seuldo kadagiti mangmangged nga adda kadagiti pribado a sektor.
