VIGAN CITY- Kagudwa a milyon a pisos a gatad ti maatap a shabu , drug paraphernalia, caliber 40 ken caliber 22 a paltog ken nadumaduma a bala ti nakumpiskar dagiti otoridad iti panangiwayat da iti search operation iti pagtaengan iti maatap a bigtime drug pusher a ni Jay Azurin idiay Brgy. Agtangao, Bangued, Abra a nakakemmegan na pakairamanan ti live-in partner na a ni Maria Jane Katrina Esmeralda ken Jerin Azurin .
Segun kenni PC/Insp. Dominador De Guzman, hepe ti Bangued municipal police station, daytoyen iti maikadwa a gundaway a nangisayangkat da ti operasyon kontra kenni Jay Azurin ngem iti umuna a gundaway ket saan da a nagballaigi.
Inaig iti dayta ket binallaagan ti chief of police dagiti aglaklako ken agar-aramat ti iligal a droga nga isardeng dan ti iligal nga aktibidad ta agtultuloy dagiti operasyon dagiti pannakabagi ti litneg kontra iti iligal a droga.
