VIGAN CITY – Umabot iti P50 million iti kasapulan para ti rehabilitaton iti initial damage kadagiti pribado a pagtaengan ken pasdek iti Ilocos Sur kalpasan iti ginggined a napasamak idi July 27, 2022.
Iti pannaki-uman ti Bombo Radyo Vigan ken Governor Jerry Singson, ti nasao nga assessment ket saan pay laeng a nairaman dagiti historical sites, pasdek iti gobierno ken dagiti dadduma pay a pagtaengan.
Segun ken ni Gov. Singson, addaanen iti duapulo ket maysa a total damage, 989 iti partially damage ken nakurang sangaribo nga evacuees.
Inlawlawag ti gobernador a kalpasan iti ginggined ket nagtignaydan tapno kitaen dagiti naapektaran tapno insigida a ma-inspect ken makita nu ania iti rumbeng a ma-restore ta kaaduan a naapektaran kadagiti historical sites ket makatultulong a mangparparegta iti turismo ken ekonomia iti probinsia.
Impanamnamana iti tulong a maipaay kagiddan iti panagkari ni President Ferdinand Marcos Jr. a saanna a baybay-an iti probinsia.
