Kinontra ti Department of Agriculture (DA) ti mapapati a pananggundaway dagiti rice trader kadagiti mannalon iti panawen ti panagaapit agsipud ta nagdinamag a mailaklako ti irik iti gatad a PhP5.00 kada kilo idiay Nueva Ecija.
Nagballaag ni DA Spokesperson Assistant Secretary Arnel de Mesa a no mapaneknekan a karaman dagiti negosyante iti insidente ket mabalin a sangoenda ti kaso a profiteering.
Segun kenkuana, ti ahensia ti mangituding ti minimum a presio ti farmgate ti irik iti sumaruno a panagapit noman pay saan a naipatungpal ti aktwal a floor price.
Inpaganetnet pay ti DA Spokesperson Assistant Secretary ti kinaimportante ti House Bill No. 1 wenno Rice Industry and Consumer Empowerment (RICE) Act a mangsuporta iti floor price para iti gatad dagiti rice farmgate.
