Pinasingkedan ti Philippine Drug Enforcement Agency nga umabot iti P47.94 bilion ti gatad dagiti iligal a droga a nakumpiskar iti Marcos administration.
Segun iti PDEA, 6,231.13 kg. a shabu, 74.72 kg. a cocaine, 109,169 ecstasy tablets ken 5,398.35 kg. ti marijuana ti nakumpiskar manipud Hulyo 2022 agingga Agosto 31 ita a tawen.
Kabayatanna, 29,032 met kadagiti 42,000 a barangay iti pagilian ti naideklarar a “drug cleared” iti isu met laeng a panawen idinto a 6,484 ti agtultuloy a daldalusan dagiti otoridad.
Immabot dagitoy a barangay iti drug-cleared status kalpasan ti pannakairuar ti sertipikasyon dagiti miembro iti oversight committee iti barangay drug-clearing program.
110,814 met a drug suspect ti nakemmeg, pakairamanan ti 7,050 a high value targets iti intero a pagilian.
