Umabot iti P411 million iti nailatang para iti large-scale relief operation para kadagiti pamilia a nakaru a naapektaran ti Bagyo Kristine.
Segun ken ni Speaker Martin Romualdez, ti relief operation ket nairugin babaen ti House of Representatives kas mayataday iti bilin ni President Ferdinand Marcos Jr.
Kas paset iti operasyon, indauluan ni Romualdez iti insigida a pannakaipaay ti P390 million cash aid a maiwaras iti 22 district a naapektaran iti bagyo idiay Bicol region, Eastern Visayas, ken Mimaropa, ken uray iti uppat a party-list representatives.
Segun ken ni Romualdez, nalawag iti bilin ni Pres. Marcos nga awan ti pamilia ti maliwayan iti tulong iti gobierno kadagiti nadidigra iti Bagyo Kritstine.
Innayonna nga araramidenda amin tapno maidanon ti tulong ti gobierno kadagiti naapektaran iti kabiitan a panawen.
