VIGAN CITY – Nasurok kumurang uppat a gasut a ribo a pisos iti gatad iti naapektaran gapu ti uram a napasamak iti Mira Hills Bar and Restaurant idiay Brgy. Sinabaan, Bantay.
Segun ti Bantay Municipal Police Station, ti akin kukua iti pasdek ket ni Dennis Chu, agtawen iti uppat a pulo ket innem, naasawaan, negosyante nga agnaed iti nasao a barangay.
Immunan a nakaawat iti report inaig iti uram dagiti pannakabagi ti linteg isu a nagrespondeda ket maibasar iti pakpaka-una nga imbestigasyon, naamuan a nakita laengen dagiti staff iti uram iti paglutoan iti nasao a pasdek isu a nagaramatdan iti fire extinguisher ngem saanda a nadepdep iti apoy isu a nagresponden dagiti kameng iti BFP personnel iti Bantay ken kaasideg a Fire Station.
Nupay kasta, awan iti nadangran iti nasao a napasamak nga uram.
