VIGAN CITY- Imimbestigaran dagiti otoridad iti napasamak a pannakatakaw iti uneg ti balay iti maysa a subdibisyon iti Candon City, Ilocos Sur nga iti biktima ket aglive-in a dati nga Overseas Filipino Workers.
Nabigbig isuda a da Antonio Juldo Ping-ay, 63 anyos, ken ti live-in partner na a ni Delia Bala-oing Dapilan, 64, retirado a nurse idiay California, USA ken agpada nga agnanaed idiay Camella Homes , Brgy. Tabac, Candon City.
Agdagup iti US$6, 000 wenno katukad ti Php300k a gatad ti alahas ken Php10,200 a kuarta iti natakaw kadagiti biktima babaen iti saan a nabigbig a suspek.
Maibasar iti report, pimmanaw dagiti biktima iti pagtaengan da ket idi nagsubli da, nakita ni Ping-ay a nadadaelen ti doorknob iti main door da ket naiwara dagiti gamit da iti uneg iti balay.
Pinaayabanen dagiti otoridad dagiti otoridad dagiti nakaduty a security guard para iti kanayunan nga impormasyon ken iti pannakakemmeg dagiti suspek.
