--Ads--
Inwaragawag ni Presidente Ferdinand Marcos Jr. a maituloy agingga 2026 ti P300 bilyon a pondo para kadagiti flood control projects basta adda ti naan-anay a proteksion ken nasayaat a pannakaipatungpal-na.
Pinasingkedan ni Marcos ti kinapateg ti nasimpa a proposal, program of work ken panangawat ti lokal a gobierno sakbay a maipatungpal ti maysa a proyekto.
Impasigurado pay ti presidente a saanen a maulit dagiti napalabas a panangabuso iti panagusar ti pondo para iti imprastruktura.
Kabayatanna, imbilin met ni Marcos ti panangiyakar ti P255.5 bilyon a pondo manipud iti Department of Public Works and Highways kadagiti priyoridad a programa ti sabali ng ahensia ti gobierno.
-- ADVERTISEMENT --
