Nagballaag ti Philippine Statistics Authority (PSA) iti publiko a nainget a maiparit iti panagprint iti Digital National ID wenno PhilID iti polyvinyl chloride cards (PVC) wenno aniaman a pisikal a format.
Segun ti PSA, ti laeng official National ID Cards nga in-print iti Bangko Sentral ng Pilipinas ken indeliver iti National ID Service Delivery Service Provider iti valid.
Dagiti card ket masansan a naaramid iti maysa a secure material nga adda tamper-proof na.
Innayon ti ahensya a dagiti Digital National ID a naka-print iti PVC card ket saan a maawat a pammaneknek a pakabigbigan iti aniaman a pampubliko wenno pribado a transaksyon.
Dagiti makemmeg nga agpi-print, agsagsagana wenno agir-iruar kadagiti saan nga otorisado a National ID pakairamanan ti digital version ket medusa.
Intuding ti Philippine Identification System Act wenno Republic Act No. 11055 iti pannakaibalud iti tallo agingga innem a tawen ken multa a P1 million agingga P3 million para kadagiti aglabsing.
Inallukoy iti PSA ti publiko nga ireport iti aniaman a makapadudua nga aktibidad inaig kadagiti saan nga otorisado a printing.
