Plano ti Land Transportation Frachising and Regulatory Board nga obligaren dagiti amin a public utility vehicle drivers ken conductors a dumalan iti dua nga aldaw a retraining para iti pannakai-renew ti prangkisa.
Karaman ditoy ti psychological profiling, edukasyon iti road safety, ken first-aid training nga aggatad iti P2,000 kada participant.
Segun ken ni LTFRB Chairman Teofilo Guadiz, gagem ti programa a kissayan dagiti aksidente ken insidente ti road rage babaen iti panangkita iti mental ken emotional a sungbat dagiti drayber iti tensyonado a sitwasyon usar ti simulation test.
Maal-allukoy dagiti transport operators ken cooperatives nga agipatakder iti bukod a driver academies tapno maksayan ti gastos.
Tapno maipatungpal ti programa kadagiti bus ken truck driver idiay Metro Manila ken in-inut a maipatungpal iti intero a pagilian iti uneg ti tallo a tawen.
