Inaprubaran ti Department of Education ti P6,000 nga ingangato iti annual salary subsidy kadagiti mangisursuro iti pribado a pagadalan a sakupen ti education assistance program ti gobierno.
Iti School Year 2025-2026, dagiti eligible private school teacher ket makaawaten iti tinawen a P24,000 iti salinong ti Teachers’ Salary Subsidy a paset iti Government Assistance to Students and Teachers in Private Education program, nangatngato ngem iti agdama nga P18,000.
Ti pannakaaprubarna ket babaen iti ad referendum ti State Assistance Council iti salinong ti GASTPE program.
Pormal nga inwaragawag ni Education Secretary Sonny Angara ti nayon a subsidiya kabayatan ti ceremonial signing event, a nangbigbiganna kadagiti private educator kas napateg a kabinnulig iti sektor ti edukasyon.
