--Ads--
Agtultuloy nga ad-adalen ni Presidente Ferdinand Marcos Jr ti gakat a P200 wage increase kadagiti mangmangged.
Segun ken ni Palace Press Officer Claire Castro, kayat ni Presidente Marcos a maited no ania ti nasayaat para kadagiti mangmangged.
Nupay kasta, masapul latta met a panunoten ti agbalin nga epektona iti pakabuklan nga estado ti ekonomia ken ti nadumaduma a sektor ti kagimungan.
Maikonsiderar pay ti agbalin nga opinyon ti wage board a binukel ti kongreso tapno mangituding iti maiparbeng a sueldo iti kada rehion.
-- ADVERTISEMENT --
Impasigurado ti Malakanyang nga adalen a nasayaat ti presidente ti gakat tapno mabalanse ti ekonomia, ti pagkasapulan dagiti mangmangged ken dadduma pay a sektor.
