Impannakkel ni Cavite 1st District Rep. Ramon Jolo B. Revilla III a dakkel a pangabak para kadagiti mangmangged a Pilipino ti panangipasa ti kamara iti P200 daily wage increase para kadagiti mangmangged iti pribado a sektor.
Segun ken ni Revilla, daytoy ket panangbigbig iti tignay ken awan sarday a sakripisyo ti kada mangmangged a Pilipino.
Numan pay balligi ti pannakaipasana iti kamara ket kinuna ni Revilla a saan pay a nalpas ti laban, ta impasiguradona nga iti 20th Congress ket tutukanda ti labor sector ken sigradoenda a maital-o dagiti gakat a pabor kadagiti mangmangged.
Maipalagip nga idi Pebrero 2024 ket naipasa ti Senado ti P100 wage increase bill isu a manamnama a dumalan iti bicameral conference committee dagiti dua a bersyon ti gakat sakbay a maipan idiay Malakanyang para iti perma ti presidente.
