--Ads--
Inwaragawag ni Presidente Ferdinand Marcos Jr a maipatpatungpalen iti intero a pagilian ti P20 rice program a karina idi kampanya.
Segun ken ni Marcos, napaneknekanda a kabaelanda ti bente pesos a kada kilo ti bagas nga awan ti malugi a mannalon.
Impannakkel ni Marcos ti balligi a pannakairusat ti programa idiay Luzon, Visayas, ken Mindanao kas idiay San Juan, Pangasinan, Cavite, Occidental Mindoro, Cebu, Bacolod, Guimaras, Siquijor, ken Davao del Sur.
Mangilatang ti gobierno iti P113 billion tapnon mapabileg dagiti programa ti Department of Agriculure.
-- ADVERTISEMENT --
Kabayatanna, nagballaag pay ti presidente a kamatenna dagiti manggandat a mangswitik iti presyo ti irik ken bagas wenno dagiti mangloko kadagiti mannalon.
