Impasigurado ni President Ferdinand Marcos Jr. iti publiko a saan laeng a temporary nga addang iti gobierno ti P20 per kilo rice program ta mailakonton kadagiti ad-adiu a tiendaan iti pagilian.
Segun ken ni Marcos, ti programa a maisaysayangkat babaen ti Kadiwa ng Pangulo outlets para kadagiti vulnerable sectors ket paset iti tignay iti administrasyon a mangipaay iti nalaka a taraon ken mapapigsa iti agriculture sector babaen ti sustained collaboration iti nagbaetan iti national ken local governments.
Kinuna ni Marcos nga agtalinaed ti P20 ta kabaelan a magunod ken sustainable iti dayta.
Ti inisyatiba ket naawagan a Benteng Bigas Meron Na! a maysa kadagiti campaign promise ni Marcos a gagem a makissayan ti rigat gapu iti ngimmina a magatang.
Ti P20/kilo a bagas ket available kadagiti senior citizen, solo parents, persons with disabilities, indigent families ken minimum wage earners nga adda maysa million a targeted beneficiaries agingga agtapos iti tawen.
Inallukoy pay ni Marcos dagiti kabarbaro a nadutokan a national ken local officials nga agakem iti opisina idi June 30 nga agkakadua nga agtrabaho para iti pannakaipaay iti serbisyo.
