VIGAN CITY – Siguradoen ti National Food Authority – Ilocos Sur a maipatungpal nga insigida iti probinsia nu bilang mangiruar ti pagannurotan inaig ti P20 kada kilo a bagas ni President Ferdinand Marcos Jr.
Iti pannaki-uman ti Bombo Radyo Vigan ken ni Eunice Abalos nga NFA-Ilocos Sur Grains Officer, ur-urayenda laengen ti bilin ti presidente ket ipasiguradona a nakasagana iti probinsia nu bilang isuda iti sakupen ti nasao a programa a panagbaba ti presyo ti bagas.
Impasiguradona a kabaelan ti nasao a presyo ta kadagiti naglabas nga administrasyon kas ken ni dati a Presidente Erap Estrada ket umabot laeng iti P18 kada kilo iti bagas babaen ti maysa a programa a para kadagiti intended beneficiaries.
Nupay kasta, namnamaenna a ti pannakaipatungpal ti nasao nga addang ket makatulong kadagiti Pilipino tapno saandan a marigatan tin angina a presyo iti bagas.
VC – NFA-ILOCOS SUR GRAINS OFFICER EUNICE ABALOS 1
Kabayatanna, idi Enero ket nakitaripnong ti NFA- Ilocos Sur iti Local Government Unit – Narvacan para iti marketing assistance ken nagturongda pay iti tallo nga ili iti Abra para iti ad-adu a buffer stock iti tallo a probinsia a pakairamanan ti Ilocos Norte ken Abra.
VC – NFA-ILOCOS SUR GRAINS OFFICER EUNICE ABALOS 2
