--Ads--
VIGAN CITY – Inruar ti Department of Budget and Management ti P2.880 billion a paggatang ti firetrucks ken emergency medical equipment.
Inaprubaran ni Budget Sec. Amenah Pangandaman ti special allotment release order para iti pondo a mangsuportar ti modernisasyon ti firefighting capabilities iti gobierno.
Magatang ti sanggasut limapulo ket uppat a firetrucks, tallo a collapsed structure ken rescue trucks, ken sangagasut tallopulo ket dua nga ambulansya.
Maala pay ti pondo iti walopulo a porsiento a shares ti Bureau of Fire Protection iti fire code revenues.
-- ADVERTISEMENT --
Ti addang ket kasaruno ti bilin ni President Ferdinand Marcos Jr. a palawaen ti kabaelan ti Bureau of Fire Protection para iti napateg nga akem ti panagtignay kadagiti emergency ken uram.
