Kiniddaw ti Metro Manila Development Authority (MMDA) ti P2.59 billion para ti flood control program idiay Metro Manila para iti fiscal year 2026.
Maaramat ti pondo para iti panangpapintas kadagiti drainage ken panangmentenar kadagiti waterways iti metro.
Segun ti budget sponsor ti MMDA a ni Rep. Monique Lagdameo, ti kiddaw ti MMDA a budget ket 33% a nababbaba nu yarig iti 2025 budget, arigna kagudua manipod iti pakabuklan a budget iti MMDA a P5.88 billion para inton 2026.
Inlawlawag ti MMDA a masapul iti dakdakkel a drainage pipes gapu iti panagngato ti danum ken rumbeng a madalusan dagiti waterways tapno maliklikan ti layos.
Kimmontra ni Kabataaan Partylist Reo. Renee Co iti nasao a kiddaw ti MMDA ken nagpanawagan iti publiko nga agbalin a nasipot kadagiti flood control projects kangrunaan ket sumangsango ita iti kontrobersyal ti Department of Public Works and Highways (DPWH) kangrunaan kadagiti flood control projects.
