Personal nga innala ni House Speaker Faustino “Bojie” Dy III ti P15 million kadagiti biktima ti gingined idiay Sarangani ken General Santos City.
Immuna nga ininspeksion ti lider ti Kamara ti General Santos International Airport a naaddaan met laeng iti damage gapu iti magnitude 7.8 a gingined.
Indaulwan ni Dy ti pannakaiwaras ti sag-P5,000 kadagiti 3,000 a benepisyaryo wenno pakabuklan a P15 million nga ayuda manipud iti Assistance to Individuals in Crisis Situation (AICS).
Segun iti opisina ni Dy, kayatna a personal a ma-assess ti nagbalin nga epekto ti napigsa a gingined idiay Southern Mindanao ken makitaripnong iti national ken local government official iti nasao a lugar.
Ti addang ket tapno maammuanna a personal dagiti tulong nga ited ti Kongreso ken mairamanda iti 2027 General Appropriations Act a naituding nga ipasa ti Malakanyang inton Agosto 2026.
