Balligi a nakumpleto ti Land Transportation Franchising and Regulatory Board (LTFRB) ti panangipaay ti umabot P135 milyon a pondo para iti fuel subsidy dagiti tsuper ti taxi iti agduduma a paset ti pagilian.
Iti nagbalin a kumpirmasion ni LTFRB Chairman Vigor Mendoza II, impakaammo na nga umabot iti 5, 440 a taxi driver ti nakaawat ti sag-P5, 000 a cash assistance.
Naited ti nadakamat a tulong-pinansyal iti maikadua ken pinal nga aldaw ti panangipaay idi Abril 25.
Kabayatanna, kas nayon nga addang ken tulong iti transportasion, agdama a makibin-binulig ti LTFRB iti Department of Energy ken Land Bank of the Philippines.
Gagem ti nadakamat nga addang a kitaen ken maipatungpal ti plano a P10 kada litro a discount iti petrolyo para iti amin a public utility vehicle iti intero a pagilian.
