Kinumpirmaran ni Pres. Ferdinand Marcos Jr. nga umaboten iti P12 billion ti pakabuklan nga asset a na-freeze iti Anti-Money Laundering Council (AMLC) pakairamanan iti 4 billion air assets ni Zaldy Co; 3,566 bank accounts, 198 insurance policies, 247 a lugan, 178 a real properties, ken sangapulo ket innem nga e-wallets.
Agipasa payen ti ICI ken DPWH ti ebidensya idiay Ombusman para iti rekomendasyon iti plunder, anti-graft, bribery, ken conflict of interest kontra iti walo a kongresista nga akin-kukua ti construction companies.
Kasta pay nga impakaammo ni Pres. Marcos a nakikammayet kadakuada ti abogado ni Zaldy Co ken imapadasna nga i-blackmail ida no saan a makanselar ti passport ni Zaldy Co ket isardengdan iti panagiruar kadagiti video.
Segun ken ni Marcos, nalawag iti posisyonna ket saan a makinegosasyon iti kriminal.
Kinunana nga aniaman a video nga iruar ni Co ket makanselar latta ti passport-na ta awan iti nangatngato ngem iti hustisya.
