--Ads--
Pinalagipan ti Overseas Workers Welfare Administration kadagiti overseas Filipino workers a libre ti amin a welfare services ken nagballaagda kontra kadagiti fixer ken scammer.
Segun iti OWWA, ti kakaisuna a bayad ket USD 25 membership contribution nga adda bilegna iti uneg ti dua a tawen, a mangsakup iti amin a programa ken tulong.
Nadakamat ni Deputy Administrator Jasmine Gapatan ti maysa nga insidente idiay Bahrain a nakiddaw iti maysa nga OFW ti P15,000 para iti repatriation assistance babaen iti Messenger dagiti tao a nagpammarang a kameng ti OWWA.
Binalakadan dagiti OFW nga ireport dagiti makapaatap nga aktibidad iti OWWA hotline 1348 wenno iti opisial a social media account.
-- ADVERTISEMENT --
