Impatakderen ti Overseas Workers Welfare Administration (OWWA) ti Crisis Communication Center iti Central Office-da iti baet ti maisaysayangkat a rescue and relief operations kadagiti uppat a mapukpukaw nga Overseas Filipino Workers wenno OFWs idiay Myanmar.
Sinigurado ti OWWA a nakasaganada iti amin a tulong ken suportar para kadagiti OFW nga agtultuloy a masapsapul kasta payen ti pamiliada iti pagilian.
Iti agdama ket naka-alerto ti Crisis Communication ken Monitoring Team iti OWWA.
Agtultuloy iti panagkikinammayet ti Department of Foreign Affairs, Department of Migrant Workers, OWWA ken dagiti embahada iti Pilipinas kadagiti naapekataran a lugar tapno maipaay ti tulong, impormasyon ken suportar kadagiti OFW.
Nabalakadan dagiti OFW a makkammayet iti OWWA wenno Embahada nu kasapulanda iti tulong.
