--Ads--
VIGAN CITY – Maysa nga owner type Jeep ken maysa a bus ti nagdinnungpar idiay Brgy. Lungog, Narvacan.
Nabigbig ti driver ti jeep a ni Isagani Briones agtawen lima pulo ket lima ken ti kadduana a ni Rodel Vargas agtawen innem a pulo ket dua ken iti driver ti Partas bus a ni Danilo Danny Fabie agtawen uppat a pulo ket walo.
Basar ti report manipod Narvacan Municipal Police Station, agpapalaud a direksyon ti bus ket immagaw iti linya ti owner type jeep iso a napasamak ti aksidente.
Insigida a naipan idiay Ilocos Sur District Hospital Narvacan para iti pannakataming da Vargas ken Briones ken amammuenen dagiti otoridad no manu iti gatad dagiti nadadael a paset ti lugan.
-- ADVERTISEMENT --
