--Ads--
Nangiruar ti Land Transportation Office iti show cause order kontra iti nakinkukua iti SUV a nairaman iti viral road rage video.
Iti video a naipost iti social media, makita nga immakar iti linya ti drayber ken nagipakita iti dirty finger iti maysa pay a motorista.
Segun ken ni LTO Chief Assistant Secretary Vigor Mendoza II, naituding ti panagdengngeg inton Agosto 28 idiay LTO Central Office tapno ammuen no ti rehistrado a nakinkukua ti nagmaneho.
No bilang mapaneknekan a ti drayber ti nakinkukua, maipataw ti siam a pulo nga aldaw a preventive suspension iti lisensyana gapu iti kaso a reckless driving ken panagbalin nga Improper Person to Operate a Motor Vehicle.
-- ADVERTISEMENT --
