Inwaragawag ni Vice President Sara Duterte ti pannakaipatungpal dagiti cost-cutting measure iti Office of the Vice President tapno masigurado nga ad-adu a pondo ti mapan iti direkta a tulong para kadagiti Pilipino a naapektaran iti krisis ken panagpangina ti presio ti magatang.
Gapu dayta, kinanselar ti OVP dagiti 2 a gathering a naituding koma inton Hulyo nga isu ti “Pasidungog” a year four accomplishment report-na ken ti “Kasarilayaan” a para iti LGBTQ community.
Segun ken ni VP Sara, ti pondo a matiped ket mainayon laengen iti budget ti RIICE project.
Kadagiti sumaruno a bulan, manamnama nga ad-adda a narigat ti sitwasion iti taraon gapu iti pangta ti El Niño manipud iti Abril agingga Hunyo ken ti posibilidad ti layus manipud Hulyo agingga Setyembre gapu iti bagyo ken panagtutudo.
Impasigurado ti OVP nga agtalinaed nga aktiboda kadagiti programa uray no limitado ti badyet.
