Nagballaag ni Philippine National Police Chief Gen. Nicolas Torre III a maikkat iti serbisyo dagiti pulis nga overweight latta kalpasan ti maysa a tawen.
Segun ken ni Torre, ti addang ket kas maisurot iti Section 30 ti Republic Act No 6975 wenno ti Department of the Interior and Local Government Act of 1990.
Sagudayen ti linteg a ti dagsen dagiti miembro ti PNP ket nasken a saan a nasursurok wenno kurang iti lima kilo manipud iti standard weight basar iti katayag, tawen ken kinataoda.
Inlawlawag ni Torre a maibasar iti pagannurotan ti ahensia, maikkan iti innem a bulan agingga maysa a tawen dagiti overweight nga isubli ti husto ken kasapulan a dagsenda.
No saanda a makasurot kalpasan iti maysa a tawen ket mabalinda a maikkat, malaksid laeng no adda saksakitenda, ta mabalinda a ma-discharge wenno mayakar iti desk job.
