Agtultuloy ti overseas voter registration idiay Middle East, segun iti Commission on Elections gapu ta agtaltalinaed a silulukat dagiti embahada ken konsulado ti Pilipinas iti baet ti riribuk iti rehion.
Nangrugi ti registration para iti 2028 national elections idi December 1, 2025 ken agpaot agingga September 30, 2027.
Iti baet ti kimmaro a riribuk gapu iti pinagtipon ti puersa ti operasion ti militar ti Amerika ken Israel kontra iti Iran, Binalakadan ti Comelec dagiti Pilipino nga agalerto, liklikan ti saan a husto nga impormasion, ken sumurot kadagiti pammilin ti Department of Foreign Affairs ken dagiti embahada wenno konsulado.
Segun iti DFA, nasurok-kumurang 2.5 milion ti Pilipino iti Middle East, kaadduan idiay United Arab Emirates, Saudi Arabia ken Qatar, ken umabot iti 800 met iti Iran.
