VIGAN CITY – Nabara ti panangpasangbay dagiti Overseas Filipino Workers kenni Presidente Ferdinand BongBong Marcos Jr. idiay Brunei idi makitada isuna ti personal.
Iti pannakiuman ti Bombo Radio Vigan ken ni Bombo International News Correspondent Veronica Genete nga adda idiay Brunei, iti walo a tawenna idiay kas Overseas Filipino Workers, daytoy ti umuna a gundaway a nakitana a personal ni Presidente Marcos.
Kinunana, sumagmamano kadagiti inkari ti Presidente kadakuada sakbay a pimmanaw ket ti panangpasayaat iti transportasion iti pagilian, panangpalawa iti investment iti turismo, ken panangpataud iti ad-adu a panggedan para kadagiti Pilipino.
Satisfied da met iti ar-aramiden ni Presidente Marcos Jr. nangruna para iti pagsayaatan dagiti OFWs.
Kabayatanna, maysa kadagiti kasayaatan a napasamak bayat ti panagbisita ti Presidente idiay Brunei ket awan ti napasamak a rally ken nasayaat iti nagbalin a seguridadda.
