Insingasing ti Commission on Elections ti ‘overhaul’ iti uppat a pulon a tawen nga Omnibus Election Code.
Segun ken ni Comelec Chairman George Garcia, awan pay ti nabaliwan iti 1985 Omnibus Election Code.
Kunana a narigat ti agipatpatungpal iti linteg ita a modernon ti panawen ken adun ti nagbaliw ngem ti latta daan a linteg ti maipatpatungpal.
Idi 2023, lineppas ti Comelec ti 964 a panid ti proposed amendments iti OEC wenno Batas Pambansa Bilang 881.
Karaman kadagiti panagbalbaliw nga insigingasing ti Comelec ket ti panangibilang a kriminal kadagiti nuisance candidacy, panangpainget iti panagsukat ti kandidato kadagiti kaso ti pannakatay ken diskwalipikasyon, panangiparit iti nasap a panagkampanya no naipilan ti certificate of candidacy ken panangi-update kadagiti limitasyon iti panaggastos iti kampania.
