Impakaammo ti Bureau of Corrections (BuCor) a nakissayan iti innem a pulo ket siam a porsiento iti panagseseksek kadagiti pagbaludan iti pagilian.
Segun ken ni BuCor Director General Gregorio Catapang Jr., manipod 356% a congestion ket bimmaba iti 287% gapu iti pannakawaya-waya iti 10,000 a persons deprived of liberty idi 2025.
Kinuna ni Catapang a ti panagiyakar iti umabot 14,000 a balud iti New Bilibid Prison ket gappuanan iti naur-urnos ken saan unayen a panagseseksek.
Iti umuna a tawen ti Marcos Administration ket umabot iti 18,000 a persons deprived of liberty (PDLs) iti nawaya-wayaan kalpasan a nakompletoda iti sentensyada, limaribo dagiti nakaawat ti parole, ken 4,000 iti napaneknekan nga awan iti basolna.
Impakaamm pay ni catapang a kayatda nga aglukat ti “Supermax” facility idiay Occidental Mindoro a pakabuklan ti P6 billion manipod 2026 agingga 2028.
Malaksid dayta ket agpatakder pay ti corrections academy iti Tanay, Rizal tapno maipangato ti lebel ti professionalism ken ammo dagiti kamengda.
