VIGAN CITY – Balligi ti panangisayangkat ti Ilocos Sur Provincial Disability Affairs office iti lima nga aldaw nga outreach program-da kadagiti innem nga upland municipalities a dagiti benepisyaryo ket dagiti Persons with Disabilities.
Iti pannaki-uman ti Bombo Radyo Vigan ken ni Cristine Torres, Disability Affairs Officer I, dagiti upland municipalities a nangisayangkatanda ket pakairamanan ti Burgos, Nagbukel, Lidlidda, Banayoyo, San Emilio, Galimuyod, ken Salcedo.
Paset iti aktibidad ti panangted iti emergency preparedness lectures, panagiwaras iti emergency kits, ken panangipaay iti massage livelihood training kadagiti PWD beneficiaries.
Malaksid dayta, nakikammayetda pay met iti Provincial Health Office para iti dental ken medical checkup kasta payen iti Provincial Education Scholarship tapno maipakaammo dagiti Assistance ken Scholarship Prgram kadagiti PWD nga agbasbasa.
